Një 28-vjeçar nga Konispoli ka rënë në prangat e policisë greke, pas një operacioni që çoi në goditjen e një rasti të trafikut ndërkombëtar të kokainës.
Policia greke identifikoi fillimisht 30-vjecarin Iosif Samha, me precedentë penalë për vepra të ngjashme, i cili vinte me avion nga një vend i huaj. Në 2 valixhet e tij, brenda aeroportit “Eleftheros Venizelos”, policia sekuestroi 16 pako me 17.3 kg kokainë.
30-vjecari ka kryer transportin për llogari të një shtetasi shqiptar, të identifikuar me inicialet A. S, i cili është shpallur në kërkim. Më urdhër të këtij të fundit, lënda narkotike do i dorëzohej shtetasit Pajtim Kaleshi, 28 vjec, banues në Konispol. Policia e ka pikasur Kaleshin jashtë aeroportit dhe e ka vënë në pranga.
Gjatë operacionit janë sekuestruar lënda narkotike, automjeti i Pajtim Kaleshit, 3 celularë dhe 590 euro.
foto galeri foto galeri foto galeri foto galeri 1234PreviousNext
Droga është marrë në Brazil. Shtetasi grek Iosif Samha ka shkuar disa ditë më parë në Brazil, ku ka marrëë lëndën narkotike dhe ka udhëtuar nga Brazili në Athine duke pasur tranzit Katarin. Shtetasi Pajtim Kaleshi do kryente shitjen e drogës në Athinë.
