Një sasi prej 1.2 ton kanabis, e cila dyshohet se vinte nga Shqipëria është sekuestruar në Stamboll në dy operacione të ndryshme, ndërsa në pranga janë vënë 7 persona, 4 prej të cilëve shqiptarë.
Gjithashtu, janë konfiskuar edhe 550 mijë pilula droge ekstazi, të trafikuara nga Holanda.
Operacioni i parë u zhvillua në 20 prill, ku u arrestuan tre persona dhe u konfiskuan 550 pilula ekstaz.
Ndërsa operacioni i dytë u zhvillua në Eyüpsultan, ku droga u gjet në një depo, e fshehur në thasë me ushqim për kafshët. Në këtë operacion u arrestuan 4 persona, që dyshohet se janë nga Shqipëria, raporton CNN turk.
Droga e konfiskuar në të dy operacionet u raportua të jetë me vlerë 44 milionë lira turke, ndërsa 7 të arrestuarit iu dorëzuan autoriteteve.
