Pentagoni ka konfirmuar se një sërë imazhesh dhe videosh që tregojnë objekte të paidentifikuara fluturuese mbi anijet luftarake të Marinës në brigjet e Kalifornisë në 2019-n janë në studim.
Fotot u zbuluan nga një hetim i Pentagonit për UFO-të nga Task Forca e UAP, e cila ka mbledhur prova për një raport për Kongresin që do të pritet në qershor.
Në imazhet, të cilat janë marrë nga regjisori Jeremy Corbell, tregojnë objekte të paidentifikuara që fluturojnë mbi katër anije luftarake amerikane.
Një nga imazhet duket të jetë një objekt në formë piramide ndërsa të tjerët mendohej se ishin dronë ose balona; megjithatë, Flota Detare i ka renditur ato si të panjohura.
Në një deklaratë, një zëdhënës i Pentagonit tha për Mystery Wire: “Unë mund të konfirmoj që fotot dhe videot e referuara janë marrë nga personeli i Marinës”.
Konfirmimi vjen një javë pasi Admirali Michael Gilday, shefi i operacioneve detare, pranoi se ai nuk e ka idenë se nga filloi tufa e dronëve misteriozë në formë Tic Tac që kërcënuan katër anije luftarake amerikane në korrik 2019.
Kur u pyetën nëse Marina kishte konfirmuar identitetin e dronëve në një ngjarje mediatike të hënën e kaluar, Gilday u përgjigj: “Jo, nuk e kemi konfirmuar”.
Përgjigja e Gilday duket se përjashton teorinë se dronët mund të kishin ardhur nga një program sekret ushtarak amerikan. Kjo ka çuar në spekulime në rritje se ato janë ndërtuar nga një fuqi ushtarake rivale ose ‘diçka tjetër përtej kuptimit tonë’.