Policia kufitare spanjolle është përballur me një skenë aspak të zakontë, një i ri maroken ishte fshehur mes disa thasëve me lëndë toksike.
Autoritetet fillimisht menduan se burri ishte i vdekur, pasi lënda toksike ishte helmuese, por ata u siguruan që ishte gjallë, kur emigranti nisi të bëhej agresiv.
Raportohet se policia ka reaguar shpejt dhe ka bërë të mundur arrestimin e burrit.
Garda Civile e Spanjës tha se me shumë mundësi burri do të kishte vdekur brenda pak orësh nëse nuk do të ishte gjetur. Thesi në të cilin po fshihej përmbante një lloj hiri, të cilat janë grimca të imëta të prodhuara nga djegia e qymyrit në stacionet e energjisë.
Hiri po eksportohej në Spanjën kontinentale, ku përdoret zakonisht në beton, çimento dhe riparime rrugësh.
