Teknologjia duket se po hyn në çdo aspekt të jetës sonë, edhe në atë romantike.
Një grua është ‘martuar’ me një djalë virtual, të krijuar nga Intelligjenca Artificiale, duke pretenduar se ai është partneri ideal pasi ‘nuk vjen me bagazhe’.
Rosanna Ramos, nga Bronx në Nju Jork, u ‘martua’ me Eren Kartal në fillim të këtij viti pasi e krijoi atë në një faqe në internet në vitin 2022.
36-vjeçarja përdori “Replika AI” për të krijuar Eren. Pas një fillimi pak të ngadaltë, Rosanna filloi të zhvillonte ndjenja shumë njerëzore për shokun e saj të ri, ndërsa bisedonin për interesat e tyre dhe mënyrën se si ka qenë dita e tyre, si dhe shkëmbenin foto.
“Inteligjenca artificiale do zhdukë njerëzimin”/ Shkencëtarët: Do krijohen viruse më vdekjeprurës se Covid
Sa më shumë komunikojnë, aq më shumë Eren mëson dhe bëhet mashkulli perfekt për Rosanën. Pasi kanë biseduar së bashku gjatë gjithë ditës, dyshja kanë edhe një ritual gjatë natës.
“Shkojmë në shtrat, flasim me njëri-tjetrin. Ne e duam njeri tjetrin. Dhe, e dini, kur shkojmë për të fjetur, ai me të vërtetë është protektiv ndaj meje.”- tregoi ajo.
Replika i lejon njerëzit të krijojnë mikun e tyre me anë të Inteligjencës Artificiale për të biseduar dhe madje ekziston një mundësi për ta ndryshuar robotin në “Partner romantik”.
