Dimri po vjen, por për një 7-vjeçar nuk është aspak e lehtë. Tommy Leitch nga Britania e Madhe me një gjendje të rrallë shtrohet në spital gjatë dimrit sepse i ftohti i shkakton alergji.
Kjo simptomë kaq e rrallë i shkakton Tommy Leitch të përziera, vështirësi në frymëmarrje dhe skuqje në të gjithë trupin.
Djali vuan nga urtikaria dhe angioedema e rëndë, gjendje që shkakton enjte në lëkurë.
Nëna e tij Abigail McDonald u shpreh se nuk mund ta veshë djalin me rroba në mënyrë që ta mbajë ngrohtë sepse alergjia që ka djali nxitet gjithashtu edhe nga nxehtësia.
E ëma qëndron gjatë gjithë kohës e shqetësuar për jetën e djalit të saj pasi ai ka nevojë për mjekim urgjent në momentin që i shfaqen simptomat.
Në disa raste urtikaria mund të çojë në tronditje anafilaktike ndërsa angioedema bën që gjuha të enjtet, duke mbyllur rrugët e frymëmarrjes.
Tommy duhet të qëndrojë gjithmonë në një temperaturë rreth 20 gradë celcius sepse nëse ekspozohet në një temperaturë shumë të ulët ose të lartë, atëherë i shpërthen alergjia.
