Një ngjarje e pazakontë ka ndodhur jashtë ambienteve të firmës farmaceutike AstraZeneca. Dy aktivistë kanë bllokuar hyrjen kryesore të kompanisë së barnave ku kanë bërë thirrje për pezullimin e patentës për vaksinën anti-Covid.
Me zinxhirë nëpër duar, dy protestuesit e lidhën veten në dyert e ndërtesës së AstraZeneca-s në Cambridge të Anglisë, ndërsa dy të tjerë u ngjitën lart për të vendosur pankartën: Vaksinë për njerëzit, jo vaksinë për përfitim.
Një nga protestuesit tha për mediat se: Ata mund të vendosin të përfitojnë nga vaksina ndërsa mijëra njerëz vdesin çdo ditë në Indi.
Protesta përfundoi pasi aktivistën luajtën muzikë dhe kënduan para ndërtesës.
175 persona, përfshirë shkencëtarët dhe ish udhëheqës të laureatit të Nobelit, i bënë thirrje Shtëpisë së Bardhë të ndërhynte për të pezulluar të drejtat e pronës të vaksinave.
Vendet anëtare të Organizatës Botërore të Tregtisë (OBT) dhanë dritën jeshile për të filluar negociatat për heqjen pronësisë në llojet e reja të vaksinave të koronavirusit. Sidoqoftë, disa vende mbështesin dhe disa kundërshtojnë propozimet e heqjes së patentave.
