Një zhvillim i papritur vjen nga ShBA, ku raportohet se John Doëd ka dhënë dorëheqjen si avokat i presidentit Trump në hetimin e ndikimit të Rusisë në zgjedhjet presidencfiale, ka mësuar “Fox News”.
Avokati kryesor i presidentit amerikan, për hetimin e çështjeve të posaçme, John Dowd, dha dorëheqjen të enjten, sipas dy personave të informuar për këtë çështje, disa ditë pasi presidenti bëri thirrje për t’i dhënë fund hetimit.
Dowd, e kishte konsideruar largimin disa herë gjatë muajve të fundit dhe e bëri përfundimisht këtë hap sot, sepse Trump gjithnjë i injoronte këshillat e tij, tha një nga burimet.
Nën udhëheqjen e z. Dowd, avokatët e Trump e kishin këshilluar atë të bashkëpunonte me këshilltarin e posaçëm, Robert S. Mueller III, i cili po heton ndërhyrjen e Rusisë në zgjedhje.
