Një gjyshe magjepëse ka pohuar se duket aq e re saqë njerëzit e ngatërrojnë me vajzat e saj.
Kur Yarrellys Ruiz, 38 vjeç, nga Tampa e Florida, del në qytetet me vajzat e saj Sameshley, 23 vjeç dhe Latishka, 21 vjeç, të gjithë kthejnë kokën drejt treshes joshëse.
Njerëzit janë habitur kur kanë mësuar se 38-vjeçarja jo vetëm që është nëna e tyre por gjithashtu është gjyshe e një fëmijë 3 vjeç dhe një fëmije dy muajsh.
Ruiz shprehet se merr mesazhe nga djem të moshës së vajzave të saj si edhe vazhdimisht mendojnë se është motra e Sameshley dhe Latishka.
“Njerëzit mendojnë se jam e re, rreth 20 vjeç,”-tha ajo. “Ka shumë djem të rinj që më dërgojnë mesazhe në Instagram ose Facebook. Ata do të më thonë se unë jam e bukur dhe nuk mund ta besojnë kur u them se kam vajzat në moshën e tyre.”
Yarrellys ka gjithashtu edhe një djalë 16 vjeç me bashkëshortin Francisco.
Gjyshja e cila në kohën e lirë punon si makeup artist. Por pavarësisht nga njohuritë e saj në kozmetikë, ajo përdor rrallë produkte në fytyrën e saj, duke treguar edhe sekretin e bukurisë.
“Nuk më pëlqen përdorimi i produkteve kozmetike në lëkurë, pasi kimikatet mund të jenë shumë të ashpra, por përdor vajin e kokosit në fytyrë,”-tregon Yarrellys. “Ndonëse bëj grim për njerëzit e tjerë, unë nuk shpenzoj shumë para në produkte për veten time”.
/Ora News.tv/
