U nda nga jeta sot në moshën 86-vjeçare diva e Muzikës Shqiptare Nexhmije Pagarusha. Dhimbje e madhe për gjithë artin dhe kulturën shqiptare.
Artistët e mëdhenj shqiptarë janë bashkuar bashkë në këtë ditë të zezë që ka prekur artin dhe kulturën.
Të prekur nga kjo humbje ata e quajnë Neshmije Pagarushen si :”Ylli i Këngës”, ” E madhja Nexhmie”, “Bilbili i këngës Shqipe”, “Ikonë e muzikës Shqiptare”.
Zhani Ciko
“Lajmi është i trishtueshëm në kuptimin që u shkëput një yll, si ato yjet e qiellit pranveror dhe Nexhmije Pagarusha është një yll, që do të mbetet në muzikën shqiptare. Një personalitet i padiskutueshëm, maksimal, sidomos në fushën e këngës popullore, ku ka sjellë modelin e një këngëtareje të përsosur, pasi zotëronte një vokal të shkëlqyer. Ajo ka sjellë disa modele, që janë pika referimi.
Pagarusha është një person që ka lënë mbresa të jashtëzakonshme me cilësitë e larta njerëzore. Unë kam qenë i privilegjuar, pasi e kam njohur që ditën e parë që ka ardhur në Shqipëri e deri sot, duke menduar dhe takimin e fundit në Kosovë, me rastin e promovimit të librit të saj. Jam i prekur. Mendoj se shqiptarët dinë se kë vlerësojnë dhe Pagarusha është nga ato që meriton piedestalin e artë të muzikës popullore. Ishte nga ata përfaqësues të mëdhenj të artit shqiptar, në fushën e saj. Ishte ndër më të mëdhajat që ka kombi ynë”, tha Ciko.
Reagimet
