Më 1992, Riçard Klinkhamer, një shkrimtar modest në Holandë, hyri në zyrën e botuesit të tij me një dorëshkrim të ri të titulluar “E mërkura, dita e mishit të grirë”. Ai tregonte 7 mënyra të mundshme, përmes të cilave Klinkhamer mund të kishte vrarë gruan e tij, dhe asgjësuar trupin e saj.
Ndërkohë si për rastësi, gruaja e tij ishte zhdukur pa lënë gjurmë prej një viti. Botuesi ia refuzoi librin, duke thënë se ishte “tejet ngjethës”. Policia dyshoi gati menjëherë se Klinkhamer mund të kishte vrarë gruan e tij. Pavarësisht nga kërkimet e hollësishme në shtëpinë dhe kopshtin e tij, autoritetet nuk gjetën asgjë, madje as me skanerat me rreze infra të kuqe.
Pa pasur një kufomë, policia nuk mund të ndërmerrte asnjë veprim kundër tij. Sidoqoftë, zërat mbi krimin e tij vazhdonin, sidomos kur u përhap lajmi i dorëshkrimit të ri. Në vitin 1997, Klinkhamer shiti shtëpinë dhe u largua me të dashurën e tij të re. Pronarët e rinj, u vendosën në shtëpinë e vjetër të Klinkhamerit.
Kur ata vendosën të rimodelonin kopshtin, zbuluan të tmerruar trupin e bashkëshortes së Klinkhamer, Hani, të varrosur nën dyshemenë e betonuar të shtëpisë. Riçard Klinkhamer u arrestua me akuzën e vrasjes. Botuesi i tij, pati papritmas interes mbi librin e tij të ri.
Sidoqoftë, me një akuzë të rëndë mbi shpinë, Klinkhamer e kuptoi më në fund e kuptoi rëndësinë e situatës, dhe nuk e pranoi ofertën për të botuar librin. Ai u dënua me 7 vjet burg për vrasje, por u lirua pas 2 vitesh për sjellje të mirë. Vdiq në vitin 2016 në moshën 78-vjeçare.
