Ka mbërritur në trojet shqiptare trupi i pajetë i 24 vjeçarit që u vra me dy plumba në Itali një javë përpara, Viktorian Picakut.
Lajmi bëhet i ditur nga mediet televizive, ndërsa thuhet se ditën e sotme do të hapen dhe dyert e shtëpisë së familjarëve Picaku për homazhet.
Picaku u vra nga dy shtetas italianë, të cilët pas një debati për një vajzë vendosën t’i bënin atentat.
MË PARË
Viktorian Picaku është 24 vjeçari shqiptar që u vra nga dy persona në Corato të Italisë. Familjarët e tij ende nuk e dinë se çfarë ka ndodhur me të riun dhe shkaqet e vrasjes së tij. Trupi i viktimës ndodhet ende në Itali, ndërsa familjarët bëjnë apel për ndihmë, pasi nuk kanë mundësi ekonomike të përballojnë transportin e kufomës. Babai i të ndjerit tregon se ishin duke festuar ditëlindjen e mbesës, kur i vëllai e mori në telefon dhe i tregoi se Viktoriani ishte qëlluar për vdekje.
