Ka një debat ne formen e nje zhurme te kote qe ushqehet nga opozita, mediat prane tyre, LSI dhe Presidences dhe rolit real qe ka e duhet te luaje Presidenti i Republikes, ne lidhje me çeshtjen e negociatave Shqiperi- Greqi, per te zgjidhur problemet historike mbi 70 vjeçare mes dy fqinjeve ne Ballkan.
Deri vone, pjeses me te madhe gati sa nuk iu mbush mendja se Presidenti ka “plotfuqishmeri” ne kete proces dhe se qeveria po i merka kopetencat per te dale vete si shpetimtare e procesit e qe neser te mare ajo flamurin per arritjen e nje marreveshje qe i shton pike politikisht dhe nderkombetarisht qeverise.
Por me publikimin e nje letre derguar ministrit te Europes dhe Puneve te Jashtme Ditmir Bushati dhe per dijeni Kryeministrit Edi Rama, vete Presidenti i Republikes ka sqaruar se ai vete NUK ka “plotfuqishmeri” ne kete proces, por ai vetem jep autorizimin per zhvillimin e negociatave me palen greke.
Me poshte, pjesa hyrese e shkreses se Metes, ku sqarohet edhe keqkuptimi i madh i krijuar ne lidhje me rolin e qeverise dhe ministrise jashtme nga njera ane dhe te Presidentit te Republikes, nga ana tjeter ne kete proces.
Lënda: Mbi kërkesën nr. 2428 prot, datë 13.02.2018 “Kërkesë për autorizim negociatash me palën greke”.
Drejtuar: Zotit Ditmir BUSHATI
MINISTËR I EVROPËS DHE PUNËVE TË JASHTME
Për Dijeni: Zotit Edi RAMA
KRYEMINISTËR
I nderuar Zoti Ministër,
Nëpërmjet shkresës suaj nr. 2428, datë 12.02.2018, u njoha me kërkesën për “Autorizim negociatash me palën greke”.
Presidenti i Republikës, vlerëson angazhimin e Ministrisë së Evropës dhe Punëve të Jashtme për të nisur negociatat për një marrëveshje të re ndërshtetërore për delimitimin e hapësirave detare me Greqinë. Bashkëpunimi i hapur dhe i ndërsjelltë është në themel të parimit të fqinjësisë së mirë.
Presidenti i Republikës, është i bindur se delimitimi i hapësirave detare me Greqinë, është në interesin më të mirë të vendit tonë në të gjitha aspektet, si në drejtim të ushtrimit të sovranitetit dhe juridiksionit kombëtar, ashtu edhe në drejtim të sigurisë, dobisë ekonomike, politike, sociale, etj.
Në këtë kontekst, zgjidhja për ndarjen, përdorimin dhe shfrytëzimin racional, efektiv dhe në mënyrë sa më të drejtë e të barabartë të hapësirave detare dhe burimeve të tyre me Republikën e Greqisë, duhet të vijë përmes një emëruesi të përbashkët midis dy vendeve.
Theksoj, se është e detyrueshme që çdo zgjidhje të respektojë parimet e Kushtetutës së Republikës së Shqipërisë, detyrimet e vendosura për zbatim nga Vendimi i Gjykatës Kushtetuese nr. 15, datë 15.04.2010, kuadri ligjor i brendshëm, aktet ndërkombëtare ku Shqipëria është palë, si dhe duke patur parësor interesin shtetëror.
Nga shqyrtimi i kërkesës së paraqitur, për Autorizim negociatash me palën Greke, konstatohet, etj…
Kjo eshte pjesa hyrese e letres se Presidentit, ku qartazi kuptohet se Presidenti jo vetem qe nuk e kundershton kerkesen e Ministrise se Jashtme per marjen prej tij te autorizimit per negociata me palen Greke, por kerkon me shume informacione te sakta e te detajuara per kete çeshtje. Mbi te gjitha per percaktimin e sakte te objektit te marreveshjes mes Shqiperise me Greqine.
Alpenews.al
