Milani raportohet se ka gati transfertën e ardhshme.
Bëhet fjalë për portierin e Napolit, Pepe Reina i cili ka pranuar zyrtarisht një lëvizje drejt Milanit, shkruan “Football-Italia”.
Në javët e fundit është raportuar se “Rossonerët” ishin të etur për të nënshkruar me portierin spanjoll ndërsa sot “Gazzetta dello Sport” shkruan arritjen e marrëveshjes mes dy palëve.
Gazeta në fjalë raporton se klubi i kuq ka informuar Napolin për arritjen e marrëveshjes me Reinën i cili do të jetë pjesë e “San Siro-s” deri në verën e vitit 2020.
Megjithatë, Milani nuk ka bërë njoftimin zyrtar pasi duhet të zgjidhë të ardhmen e Gianluigi Donnarumma.
Raportohet se gjithçka është arritur në fshehtësi të plotë.
Reina me kontratën e re te Milani do të përfitojë një 3 milionë euro në sezon plus bonuset dhe ka një mundësi për të rinovuar edhe një vit tjetër.