Sulmuesi anglez i Liverpoolit, Daniel Sturridge ka të ngjarë të përfundoj në La Liga te skuadra e drejtuar nga Vincenzo Montella, Sevilla.
Sturridge nuk po gjen hapësira nën drejtimin e Jurgen Kloppit dhe pritet të largohet gjatë këtij muaji nga Anfield.
Largimi i tij duket i sigurt dhe destinacioni më i mundshëm dukej Serie A me Interin në krye të garës, por tani thuhet se gjërat kanë ndryshuar.
Sturridge duke festuar një nga golat e tij me Liverpoolin këtë sezon
Ai është duke kërkuar një transferim në afatin e janarit për të siguruar kohë më shumë të lojës përpara pjesëmarrjes së Anglisë në Kupën e Botës “Rusia 2018”.
Sturridge iu ofrua Interit, të cilët janë të përgatitur ta nënshkruajnë atë vetëm në huazim me një opsion blerje në fund të sezonit.
Liverpooli dëshiron 30 milionë funte apo rreth 32 milionë euro nga shitja e Sturridge, por kjo shifër vështirë të plotësohet nga ndonjë skuadër.