Siç ishte paralajmëruar sot, të hënën do të zgjidhet edhe pasardhësi i përkohshëm i Adriatik Llallës. Debatet për kryeprokurorin e përkohshëm kanë qenë të shumta, dhe siç ndodh rëndom në politikën shqiptare pozita dhe opozita do ecin në drejtime të ndryshme.
Nga shtatë kandidatët tre kaluan fazën e parë dhe gara do të zhvillohet mes:
ARTA MARKU nga Prokuroria e Shkodrës
ERMIRA TAFANI, Prokurore në Elbasan
FERDINANT ELEZI, Kryeprokurori i Apelit Durrës.
Forcat më të mëdha opozitare në vend PD dhe LSI kanë paralajmëruar protesta po ditën e sotme kur do të bëhet edhe votimi për kryeprokurorin e përkohshëm.
Thirrjes së partisë demokratike për protesta i është bashkuar edhe LSI e cila sicc është bërë me dije edhe nga vetë kryetarja Monika Kryemadhi janë kundër kësaj zgjedhjeje për kryeprokurorin.
PS, SHBA, BE, EURALIUS, OPDAT janë për ketë rrugë që po ndiqet e pritet të finalizohet sot, ku do të zgjidhet pasuesi i përkohshëm i Llallës.
PD dhe LSI janë kundër. Duan qëndrimin e Llallës derisa të zgjidhet kryeprokurori i përhershëm.
Përgatiti: AlpeNews.al
