Një zjarr ka rënë pasditen e sotme në katin e katër një pallati në Kinostudio. Sipas “Neës24”, zjarri ka rënë në një pallat pranë komisaritit nr.4.
Nuk dihet ende nëse në apartamentin ku ka rënë zjarri ka pasur banorë, ndërsa aktualisht, po evakuohen banorët e pallatit.
Për momentin nuk dihen ende shkaqet që kanë shkaktuar zjarrin, ndërsa drejt vendngjarjes kanë shkuar menjëherë forcat zjarrfikëse të cilat po punojnë për shuarjen e flakëve.
Për fat të mirë nuk flitet për të lënduar, por vetëm për dëme materiale, ndërsa policia po heton për zbardhjen e plotë të ngjarjes.