Pas paralajmërimeve të Teheranit se pas vrasjes së gjeneralit Qaseem Soleimani është koha për hakmarrje ndaj amerikanëve, mesa duke kundërpërgjigjia nuk vonoi.
Sipas mediave ndërkombëtare mësohet se dy raketa me precizion të lartë janë lëshuar shumë pranë ambasadës amerikane në Bagdad dhe tre të tjera kanë qëlluar në bazën ajrore ku u strehuan trupat amerikane.
Të paktën dy raketa goditën perimetrin pranë ambasadës amerikane në Bagdad e cila është e vendosur në Zonën e Gjelbër të sigurisë, ka raportuar Sky News Arabia.
Gjithashtu mediat ndërkombëtare raportojnë se siguria në perimetrin e ambasadës është rritur ndjeshëm pasi raketat goditën zonën e Gjelbërt të sigurisë.
Në fillim të kësaj jave, protestuesit pro-Iranit sulmuan ambasadën amerikane në një rrethim që zgjati pak më shumë se një ditë.
Reuters ka raportuar se ndërkohë tre raketa të tjera goditën bazën ajrore të Baladit, aty ku strehohen trupat amerikane, rreth 50 milje në veri të Bagdadit.
Mësohet se dy nga raketat Katysha kanë rënë brënda perimetrit të bazës amerikane. Nuk dihet saktësisht se sa trupa amerikane qëndrojnë në bazën e Beledit por deri tani nuk është raportuar për lëndime apo viktima./Newsbomb.al.