Kryeministri i Britanisë së Madhe, Boris Johnson ka rezultuar pozitiv me koronavirus.
Lajmin e ka dhene ai vetë permes një postimi në Twitter.
“Gjatë 24 orëve të fundit kam pasur simptoma të lehta dhe rezultova pozitiv me koronavirus. Tani jam i izoluar, por do të vazhdoj të punoj përmes video-konferencave, ndërsa luftojmë kundër këtij virusi. Së bashku do ta mundim”, ka shkruar kryeministri britanik.
Britania e Madhe deri më tani ka raportuar për 11,813 persona të infektuar me koronavirus dhe 580 të vdekur si pasojë e kësaj sëmundjeje.
