Një ngjarje e rëndë raportohet të ketë ndodhur në Greqi, ku një shqiptar është gjendur i varur në qelinë e burgut në Agios Nikolaos në Kretë.
Lajmi publikohet nga mediat greke, ndërsa nuk bëhet ende i ditur emri i shqiptarit dhe detaje të tjera lidhur me dënimin e tij dhe arsyet se pse ndodhej në burg.
Autoritetet dhe shërbimi mjekësor u njoftua menjëherë, por nuk kanë mundur ta shpëtojnë shqiptarin.
Ende nuk dihen arsyet që e kanë shtyrë shqiptarin të ndërmarrë këtë akt. Po punohet për zbardhjen e rrethanave të ngjarjes.
