Policia italiane ka bllokuar në brigjet e Salentos një gomone me 250 kg kanabis dhe 500 gr kokainë, ndërsa ka arrestuar gjashtë persona. Sipas mediave italiane lënda narkotike, kanabis dhe kokainë vinte nga Shqipëria, ndërsa nuk jepen detaje për të arrestuarit. Kanabisi ishte fshehur në brendësi të tubave të gomones, ndërsa vijojnë hetimet për të zbardhur rrjetin e plotë.
Në muajt fundit janë bllokuar disa gomone me kanabis në Itali, që vinin nga Shqipëria, ndërsa sipas italianëve nga fillimi i vitit 2018 janë arrestuar mbi 40 trafikantë dhe janë sekuestruar më shumë se 16 ton kanabis në 18 gomone.
