Një zë i bezdisshëm i një fëmije që këndonte “po bie shi, po zbrazet”, torturoi një familje për muaj të tërë.
Por, së fundmi është zbuluar se zëri ishte shkaktuar nga alarmi i vendosur për të penguar grabitësit.
Alice Connington, 34 vjeçe, e cila jeton në Ipswich me dy fëmijët e saj të vegjël, nuk mundi të flinte për javë të tëra.
“Ishte absolutisht e tmerrshme. E kam dëgjuar gjatë gjithë orëve të natës. Në 1, në 2, në 4. Ishte sporadike, në disa raste luhej njëherë, në raste të tjera pa pushim”, tha ajo.
Hetuesit gjetën zërin e zhurmshëm vetëm disa qindra metra nga shtëpia e saj.
Tingulli drithërues duhej të ishte një pengesë për të ndaluar hajdutët oportunistë dhe “lëshohej” nga merimangat që zvarriteshin mbi sensorët e lëvizjes.
Një zëdhënës i këshillit tha: ‘Kjo është unike në përvojën tonë – ishte e vështirë të besohej se një këngë fëmijësh do të luhej në mes të natës.
Ne morëm një telefonatë rreth mesnatës dhe menjëherë shkuam në zonë për të zbuluar më shumë. Dëgjuam këngën në një ambient industrial dhe dukej shumë e tmerrshme në atë orë. Kjo ishte drithëruese për banorët që jetojnë aty”.
Nëna e dy fëmijëve tha se tani më në fund do të bëjë një gjumë të “vërtetë”.