Një grua e zhdukur prej 16 ditësh në një pyll në malin Maui në ishullin Hawaii është gjetur gjallë dhe në gjendje të mirë.
Amanda Eller, një mësuese 35 vjeçare yoga dhe terapiste, u gjet nga një helikopter kërkimi në shtratin e një rrëkeje rreth orës 5 të mëngjesit të premten.
Chris Berquist, i cili ishte në helikopter, i tha ABC News se ata e panë atë duke u gjunjëzuar në helikopter.
“Nuk ishte e plagosur. Pak e ekspozuar nga djegiet e diellit. Ajo i humbi këpucët disa ditë më vonë. Por nuk ka plagë”, tha Berquist.
Një nga shpëtuesit ndau fotot në Facebook. Troy Helmer, i cili ishte me grupin që gjeti Ellerin, tha se gruaja kishte humbur rreth 20 kilogramë.
Eller u pa për herë të fundit nga i dashuri i saj, i cili raportoi se ajo kishte humbur më 9 maj.
Nëna e Ellerit, Julia tha se ajo mbijetoi duke pirë ujë në pyll dhe duke ngrënë manaferra. Familja u ribashkua në një spital lokal.
“Ndjeva në zemrën time se ajo ishte e gjallë,” tha Julia. “Nuk hoqa dorë kurrë nga shpresa, edhe pse herë pas here kisha momente dëshpërimi. Qëndrova e fortë sepse e dija se do ta gjenim”, u shpreh.