Rreth 51 balena të tjera janë gjetur të ngordhura pasi ngecën në bregun e një plazhi në Ishujt Chatham jashtë Zelandës së Re.
Ka pasur një ngordhje masive të balenave gjatë këtyre ditëve. Më shumë se 200 balena kanë ngordhur në incidente të veçanta gjatë javës së kaluar në rajon.
Departamenti i Ruajtjes së Zelandës së Re tha se rreth 80-90 balena janë gjetur të bllokuara në Hanson Bay të enjten.
Dhjetra prej tyre arritën të shpëtojnë, por 50 prej tyre ngordhën.
Balenat u varrosën në rërë në plazh. Ndërsa lëkura dhe mostrat e tyre janë marrë për analizë.
Më pak se një javë më parë 145 balena pilot u gjetën të ngordhura në një plazh të largët në ishullin jugor të Zelandës së Re, Stewart Island.
