Roma zyrtarizoi pak minuta më parë, mbrojtësin e krahut të djathtë Zapakosta, i cili u largua nga ekipi i Çelsit për t’iu bashkuar skuadrës kryeqytetase italiane.
Klubi romanist, shquhet për postimet pikante në faqen e “Twitterit”, ndërkohë së fundmi, verdhekuqtë, kanë njoftuar transferimin e mbrojtësit Zapakosta, duke bashkangjitur në një video, momentet nga prezantimi i lojtarit të ri, si dhe disa foto fëmijësh që rezultojnë të humbur prej vitesh.
Mes tyre edhe shqiptarja Bleona Mata. Ekipi i Romës është i angazhuar prej kohësh me nismën e tyre për gjetjen e fëmijëve të humbur.
Kujtojmë që vogëlushja rezulton e humbur që prej majit të vitit 2010, teksa kulloste bagëtitë në malin e fshatit Zapod të Kukësit.
Tashmë Bleona është 14 vjeçe dhe vazhdon të jetë e zhdukur, ndërkohë që dy dëshmitë e fundit kanë qenë, se e kanë parë vajzën e vogël në shtetin fqinj të Italisë.