Për shumë vite ata ishin pjesë e kompanisë “On Records”.
Mirëpo, pas kaq shumë viteve, duket se bashkëpunimi i tyre mori fund, transmeton Gazeta Express.
Bëhet fjalë për dy reperët e njohur, vëllezërit Mozzik e Getinjo, të cilët që nga sot kanë ndërprerë bashkëpunimin me këtë kompani.
Lajmin e ka bërë të ditur Getinjo përmes një postimi që ka bërë në llogarinë e tij në Instagram.
Ai ka thënë se më nuk do të jenë pjesë e “On Records” dhe se të gjithë këngët e tyre janë fshi nga kjo kompani, pa mos cekur arsyen përse janë larguar.
“Njerz te dashur, deshtem me ju informu qe une Getinjo dhe vellau im Mozzik nuk kemi me pjese e On Records. Kenget e tona jan fshi nga kompania ne fjale, i falënderojmë per punën e përbashkët gjate këtyre viteve. Vlera jone nuk do te shuhet asnjëherë, do te shihemi se shpejti me kenge te reja Ju duam! 2Brothaz”, kishte shkruar Getinjo.