Kryeministri hungarez, Viktor Orban tha se ai duhet të kundërshtojë Presidentin francez Emmanuel Macron, duke e quajtur atë një lojtar kyç në axhendën pro-emigracionit të BE. E ardhmja e të dyja vendeve është në rrezik, shtoi ai. Duke iu përgjigjur një pyetjeje nga Le Monde në një ngjarje të shtypit në Budapest të enjten, kryeministri hungarez tha se ai ka “marrëdhënie të mira” me Makronin, por kur bëhet fjalë për pikëpamjet e migrimit, të dy janë rivalë të hidhur.
“Nuk është asgjë personale, por një çështje e të ardhmes së vendeve tona”, vuri në dukje Orban. Emmanuel Macron është “udhëheqësi i forcave pro-imigracionit” në BE, shpjegoi kryeministri.
Nëse ajo që dëshiron në lidhje me migracionin materializohet në Evropë, kjo do të ishte e keqe për Hungarinë, prandaj unë duhet ta luftoj atë.
“Nuk shoh ndonjë kompromis të mundshëm këtu,” u tha ai gazetarëve, duke shtuar se politika gjermane “nuk respekton” vendimin e hungarezëve për të mos u bërë një “vend emigrant”.
Në lidhje me kryeministrin italian, Matteo Salvini, Viktor Orban ndryshoi tonin e tij duke e cilësuar një “hero” për mbylljen e porteve për anijet e mbushura me emigrantë afrikanë. Të dy Salvini dhe Orban kanë qenë kritikët të modeleve të emigrimit të propozuara nga Brukseli dhe mbrojtën fort zgjedhjen e tyre për të mbrojtur kombet e tyre nga fluksi i emigrantëve, kryesisht që vinin nga Afrika Sub-Sahariane dhe Lindja e Mesme.
