Shtetet e Bashkuara të Amerikës kanë vendosur sanksione ndaj 19 rusëve, të cilët dyshohet se kanë ndërhyrë në zgjedhjet e vitit 2016. Ata dyshohen edhe për përfshirje në sulmet kibernetike.
Një muaj më parë këshilltari i departamentit të Drejtësisë Robert Mueller, prezantoi sanksione ndaj 13 rusëve të dyshuar për përfshirje në zgjedhjet në SHBA.
Sekretari i Thesarit Steven Mnuchin akuzoi rusët për “sulmet kibernetike shkatërruese dhe ndërhyrjet në zgjedhje”.
Ai tha se sanksionet synojnë shmangien e “ndonjë sulmi tjetër” nga Rusia.
Masat e marra këtë të enjte, përfshijnë edhe shërbimet ruse të inteligjencës.
Në Uashington, këto sanksione cilësohen si veprimi më i fortë i marrë deri më tani nga administrata Trump kundër Moskës.
