Gjykata e Beratit ka caktuar këtë të hënë (30 mars) masën e sigurisë “arrest në burg” për 39-vjeçarin, i cili dyshohet se ka kryer marrëdhënie seksuale me mbesën e tij të mitur, 15-vjeçe.
Prokurori i çështjes, Renato Tosku, kërkoi cilësimin e ligjshëm të arrestimit dhe caktimin e kësaj mase duke paraqitur faktet dhe rrethanat e rastit.
Gjatë seancës, 39-vjeçari ka mohuar akuzat, duke deklaruar se nuk ka pasur asnjë kontakt të papërshtatshëm me mbesën e tij.Sipas tij, denoncimi është i sajuar nga kunata, për shkak të një konflikti mes tyre lidhur me një banesë.
