Një makinë është djegur mëngjesin e sotëm në Kamëz, ku bëhet e ditur se ka vetëm dëme materiale.
Nga të dhënat paraprake njoftohet se ngjarja ka ndodhur rreth orëve të para të mëngjesit, në rrugën “Donald Trump”, ku ka marrë flakë dhe është djegur plotësisht.
Deri më tani dyshohet se mjeti (gaz-benzinë) në pronësi të shtetasit me inicialet D. M., ka marrë flakë si pasojë e një defekti në pjesën e motorit.
Si pasojë janë dëmtuar pjesërisht dy mjete të tjera, të cilat ndodheshin të parkuara afër këtij mjeti.
Paraprakisht dyshohet se është ngjarje aksidentale dhe grupi hetimor po punon për sqarimin e rrethanave të ngjarjes.
