Një tjetër ngjarje e rëndë ka tronditur qytetin e Shkodrës mëngjesin e sotëm.
Dy vëllezër janë vrarë me breshëri plumbash teksa po dilnin nga shtëpia. Ata janë Astrit dhe Ibrahim Bilali, 59 dhe 61 vjeç.
Dy viktimat
Astrit Bilali eshte babaj i Asmer Bilali, i arrestuar si pjesë e grupit “Bajri” në Shkodër, ndërkohë që grupi kundërshtar i tyre janë Licajt. Dyshohet që pikërisht lufta mes këtyre bandave të këtë sjellë viktimat e radhës.
Ngjarja ka ndodhur në 09:45 në lagjen “Kiras” të qytetit. Nëse i kthehemi pas zinxhir të vrasjeve në Shkodër do të vihet re se edhe Fatbardh Lici është vrarë në po të njëjtën lagje.
Dyshimet janë se autorët mund të kenë qënë nga fisi Lici dhe kjo vërtetohet edhe nga policia që pak minuta më parë ka ushtruar kontroll në banesat e familjeve të Licajve.
Nga ana tjetër, gazetari investigative Artan Hoxha hodhi sot një tjetër pistë hetimi kur tha se kjo mund të ketë qënë një vrasje me klering.
Sipas Hoxhës, kjo do të thotë që personi që dëshiron të kryejë vrasjen nuk e bën dot këtë gjë për shkak të rrethanave merr një tjetër person nga një tjetër qytet.
Pra nëse vrasja bëhet në Shkodër, vrasësi merret nga Vlora dhe rrjedhimisht edhe identifikimi bëhet shumë i vështirë.
Boran Bërçana dhe Silvi Ndoci
Gazetari theksoi se kjo lloj mënyre është përdorur në vrasjen e çiftit Boran dhe Silvi në Shkodër. Ngjarje e cila, prishi ekuilibrat në këtë qytet.
Përgatiti: AlpeNews.al
