Arrestohen dy persona ditën e sotme në Vlorë, ku një 34- vjeçar për falsifikim monedhash dhe një tjetër duke drejtuar mjetin pa patentë e me lëndë narkotike me vete.
Personi me iniciale M. Ç., banues në Vlorë u kap pasi ditën e djeshme ka shkuar në një pikë karburanti në fshatin Sherishtë të Vlorës dhe ka mbushur automjetin “Ford Focus” me disa litra naftë, duke i dhënë punonjësit të pikës një kartëmonedhe me prerje 50 euro, e cila dyshohet të jetë e falsifikuar.
Kurse personi N. L., 24 vjeç, banues në Elbasan u kap në aksin rrugor të lagjes “Ujë i Ftohtë” Vlorë duke drejtuar automjetin pa patentë si dhe nga kontrolli i ushtruar, shërbimet i gjetën një sasi të vogël lëndë narkotike, e dyshuar e llojit canabis sativa.
Sipas policisë, materialet iu referuan Prokurorisë për veprime të mëtejshme.
