“Qytetet e bandave”, kështu janë cilësuar nga opozita Elbasani dhe Shkodra për shkak të ngjarjeve të ndodhura.
Në keto dy qytete opozita ka nisur edhe mbledhjet e jashtëzakonshme duke bojkotuar kuvendin. Basha në keto dy takime foli për bandat të cilat po terrorizojnë njerëzit. Ai akuzoi i politikanë të lartë si të përfshirë me bandat por cfarë ndryshoi në deklaratat e Basha dhe vendimi që mori opozita.
Deputetët e opozitës vazhdojnë ta bojkotojnë parlamentin, duke lënë ligje të cilat maxhoranca, po i kalon e vetme pa kontestimin e asnjë partie. E tillë ishte dhe shtyrja afati të hetimit për çështjen “Tahiri” të cilën opozita e kërkoi që të shtyhej për 3 muaj.
TAKIMI NË SHKODËR
“Në më pak se 3 muaj kanë ndodhur 6 vrasje mafioze dhe janë rrëmbyer 2 persona. Kjo është situata në Shkodër. Këtu duhet të ishte kryeministri, jo për të shitur mend dhe për të bërë batuta, por për të raportuar arrestimin e kriminelëve që kanë 6 muaj që terrorizojnë Shkodrën. Por Rama nuk mund të jetë këtu, është në Tiranë me Çyrbjen, Taulant Ballën e Fatmir Xhafën”, tha Basha.
Një lagje e Shkodrës e vënë nën kontroll nga bandat. Shteti është ulur në gjunjë te krimi. Rama-Xhafaj janë kryeministër dhe ministër në letër, por kontrollin e shtetit e kanë bandat. Ky është realiteti në Shkodër, Vlorë, Fier, Durrës dhe Shijak. Janë qëlluar gazetarë, janë rrëmbyer e zhdukur qytetarë e gazetarë. Situata është totalisht jashtë kontrollit sepse shtetin e kontrollon krimi i organizuar”.
TAKIMI NË ELBASAN
Në takimin e opozitës së bashkuar në qytetin e Elbasanit, kreu i PD-së, Lulzim Basha ka shpallur 4 objektivat e fushatës për çlirimin e qeverisë nga krimi.
Duke folur në këtë takim, Basha është shprehur se ‘risia kryesore e platformës që po diksutohet në grupin parlamentar të opozitës është vettingu për politikanët, njësoj si për gjyqtarët, prokurorët dhe policët’.
Pjesë nga deklarata e kreut të PD-së, Lulzim Basha:
1 – Dekriminalizimi i plotë përmes vettingut të politikanëve të lidhur me krimin.
2 – Çlirimi I drejtësisë nga kapja politike në funksion të bashkëqeverisjes së Edi Ramës me krimin
3 – Zgjedhje të lira të ndershme, demokratike ku qytetarët të jenë ata që vendosin
4 – Një ekonomi e çliruar nga monopolet, nga oligarkët dhe nga korrupsioni qeveritar, në funksion të mirëqenies së qytetarëve.
/Alpenews.al