Lady Gaga njoftoi se në fund të vitit 2018 do të nisë shfaqjet e saj në Las Vegas, një eksperiencë “residency”, që e kanë përqafuar shumë këngëtare të tjera, si Britney Spears, Mariah Carey dhe Celine Dion.
Këngëtarja kanadeze 49-vjeçare shprehu admirimin për Gagan dhe dëshirën për ta dëgjuar në skenë.
Gjatë një interviste për “CNN”, Dion deklaroi mbi të gjitha dëshirën për të bërë një duet me këngëtaren me prejardhje italiane:
“Do të ishte perfekte. Do të më pëlqente shumë të ngjiteshim së bashku në skenë. Jam fanse e flaktë e saj”.
Duke pasur një eksperiencë të gjatë në këtë drejtim, e pyetur nëse do të kishte ndonjë këshillë për Lady Gagan, Dion u shpreh:
“Nëse kam këshilla për Lady Gagan? Jo! Ajo është një vajzë që e di me saktësi se çfarë bën. Dhe kurrë, kurrë në jetën time nuk do t’i thosha një këngëtareje profesioniste dhe kaq të talentuar si Gaga se si të veprojë. Do të shkoj ta shikoj me patjetër”.
Lady Gaga pritet të realizojë 36 spektakle në “Park Theater”, Las Vegas, prej dhjetorit 2018.
Ishte vetë këngëtarja që e njoftoi gjatë një konference shtypi.
