Babai i të ndjerit Andrea Lagjaj që mbeti i vrarë në Bogota të Kolumbisë, mohon se djali i tij ka qënë i përfshirë në trafikimin e lëndëve narkotike.
Ai thotë se Andrea kishte krijuar familje dhe në Kolumbi kishte një qendër interneti por asnjë dijeni nëse djali i tij kishte lidhje me bandat e droges ose me sasinë e kokainës që u gjend brenda kontenierit me banane në Durrës dhe qe vinte nga Kolumbia.
Eqerem Lagjaj: “Gruaja e tij nga Kolumbia na tha djali juaj ka mbaruar. Më pas bëmë konfirmimin. Na e treguan në morg që qe ai. Kërkuam ndihmën e ministrisë së Jashtme por nuk na u afrua asnjë lloj ndihme.
Ne dimë që djali ka një biznes interneti dhe është i martuar atje dhe ka një familje te rregullt. Gjithashtu LAGJAJ kishte edhe një djal tjetër nga një tjetër martesë të mëparshme në shqipëri.
Babait i kanë treguar se ‘djali është vrarë nga dy persona që kanë qenë me motor.”
Familja Lagjaj jeton në Sarandë dhe Eqeremi nuk fsheh dot indinjatën ndaj mediave: Do kërkoj dëmshpërblim për moralin e familjes time.Unë jetoj me djersën time të ballit dhe nuk jam mësuar të jetoj me djersën e drogës
Sipas familjarëve Andrea Lagjaj ka qenë në Borsh në shkurt të vitit të kaluar ku kishte qëndruar rreth 10 ditë. Nuk dihen ende motivet e vrasjes së 40 vjeçarit ditët e para të muajit prill, 2018.
