Romela Begaj ka rezultuar pozitive në testet antidoping. Sipas raportimeve thuhet se njoftimi ka shkuar në Federatën Shqiptare të Peshëngritjes të premten por ende nuk është bërë zyrtar.
Sportistja shqiptare u shpall kampione bote në stilin e shkëputjes si edhe nënkampione bote në dygarësh. Kjo është një tjetër goditje që i jepet sportit shqiptar në pak vite pasi në vitin 2014 Romela Begaj do të dilte po ashtu pozitive në testet antidoping në testin A dhe Testin B duke bërë kështu që t’i hiqej titulli kampion.
Në atë kohë Begaj u shpall kampione bote në kampionatin e mbajtur në Kazakistan në stilin e shkëputjes duke ngritur 113 kilogramë.
Ky lajm bëhet edhe më i rëndë për Peshëngritjen Shqiptare pasi në muajin mars do të zhvillohet edhe Kampionati Botëror i Peshëngritjes në Tiranë.
