Dy aksidente kanë ndodhur në Durrës pa lëndime apo të plagosur. Një ‘Opel’ ka goditur një mjet tjetër dhe më pas është përplasur me bordurën dhe si përfundim u arrestua drejtuesi 28- vjeçar L.P.
Po ashtu në Rushkull një mjet tip ‘Ford’ përplasi një këmbësore 6- vjeçare e cila ndodhet nën kujdesin e mjekëve në spital. U arrestua shoferi 29- vjeçar L.T.
E.M., 32 vjeç, banues në Shkallnurë, ishte i arrestuari i tretë nga Policia e Durrësit pasi u kap duke drejtuar motorin tip ‘Yamaha’ në gjendje të dehur.
Kurse në Fushë- Krujë, 30- vjeçari K.M, u arrestua në fshatin Larushk pasi kishte dhunuar bashkëshorten e tij.
NJOFTIMI I POLICISË
Durrës
Parandalohet përshkallëzimi i dhunës në familje, arrestohet në flagrancë një 30-vjeçar. Arrestohen dhe 3 drejtues mjetesh. Specialistët për Hetimin e Krimeve në Komisariatin e Policisë Krujë, në vijim të punës për parandalimin e dhunës në familje, arrestuan në flagrancë shtetasin: K. M., 30 vjeç, banues në fshatin Larushk, Fushë Krujë, pasi ka ushtruar dhunë fizike dhe psikologjike ndaj bashkëshortes së tij.
—
Specialistët e Qarkullimit Rrugor në Drejtorinë Vendore Durrës, në vijim të punës së tyre për parandalimin e aksidenteve rrugore dhe ndëshkimin e atyre drejtuesve që drejtojnë mjetin në mënyrë të parregullt, arrestuan në flagrancë shtetasit:
– L. P., 28 vjeç, banues në Durrës, pasi duke drejtuar pa leje drejtimi mjetin tip “Opel”, ka goditur një mjet tjetër e më pas bordurën. – E. M., 32 vjeç, banues në Shkallnurë, Durrës, pasi është konstatuar nga shërbimet e Policisë duke drejtuar pa leje drejtimi motorin tip “Yamaha”.
– L. T., 29 vjeç, banues në fshatin Rrushkull, Durrës, pasi duke drejtuar mjetin tip “Ford” ka aksidentuar shtetasen E. K., 6 vjeçe, këmbësore, e cila ndodhet në spital, në kujdesin e mjekëve. Materialet i kaluan Prokurorisë së Rrethit Gjyqësor Durrës, për veprat penale “Dhuna në familje” dhe “Drejtimi i automjeteve në mënyrë të parregullt”.
