Dy adoleshentë janë kthyer në tmerrin e kioskave të gazetashitësve në Durrës. Duke synuar vjedhjen e tyre, ata kanë bërë që pronarët e tyre, të kërkojnë ndihmën e Policisë.
Nga ana e saj, Policia bën të ditur se ka arrestuar njërin prej tyre, ndërsa tjetrin po e ndjek në gjendje të lirë.
Komisariati i Policisë Durrës
- Më datë 09. 12. 2018, shtetasi K. P., vjeç 40, banues në Durrës, ka bërë kallëzim se, më datë 13. 11. 2018, është tentuar t’i vidhet kioska që shet gazeta. Nga veprimet hetimore rezulton se autorë të kësaj ngjarje, janë shtetasit A. D., vjeç 19, banues në Durrës, arrestuar më datë 08. 12. 2018, dhe shtetasi me iniciale J. P., vjeç 17, banues në Durrës, ndjekur në gjendje të lirë. Neni 134/2 i Kodit Penal.
- Më datë 09. 12. 2018, shtetasi K. Sh., vjeç 34, banues në Durrës, kallëzon se, më datë 27. 11. 2018, në lagjen nr. 13, sektori “Hekurudha”, është tentuar t’i vidhet kioska që shet gazeta. Nga veprimet hetimore rezulton se autorë të kësaj ngjarje janë, shtetasit A. D., vjeç 19, banues në Durrës, arrestuar më datë 08. 12. 2018, dhe shtetasi J. P., vjeç 17, banues në Durrës, ndjekur në gjendje të lirë. Neni 134/2 i Kodit Penal.
