Presidenti i FSHF-së, Armando Duka, teksa është i ftuar në emisionin “Top Story” në Top Channel, ndër të tjera ka folur edhe për rastin e Italisë, e cila u eliminua nga Suedia. Ai u shpreh se nëse Shqipëria do kishte pasur përballë suedezët, me siguri do bënte një paraqitje më dinjitoze se “axurrët” dhe do t’i eliminonim.
“Ne do ta kishim hequr Suedine po te ishim ne ne fazen play-off, nëse do të kishim qenë në vend të Italisë. Nuk na kanë penalizuar humbjet në dy takimet me Italinë, por na penalizoi humbja me Izraelin ne fushen tone. Ndaj Italisë kemi vuajtur peshën e fanellës.”
Kontakti me De Biazin…
“Vazhdojmë të kemi komunikim të vazhdueshëm dhe para se të firmoste me Alaveshin, kam marrë një mendim nga ai. Gjatë ndeshjes me Turqinë kemi folur vazhdimisht në Whats App. I pëlqeu shumë ndeshja në Turqi, i pëlqeu loja dhe rezultati. De Biazi ka lënë gjurmë dhe do të mbetet në histori gjithmonë.”
Panuçi trajneri i duhur?!
“E rëndësishme është që në çdo kompeticion hyn si garues real dhe me objektiv për t’u kualifikuar dhe jo si më parë për një humbje dinjitoze. I ka mudënsitë reale për të shkuar në europian. Për të kaluar kurbën e vetëkënaqësisë, vendosëm se ekipi kishte nevojë për një figurë autoritare që mund ta ulë me këmbë në tokë. Një futbollist që ka fituar gjithçka dhe një emër që duhet ta kudnërshtosh me vepra.”
Nuk ka përvojë si trajner i parë…
Ka përvojë dhe staturë të madhe futbollistike. Energji shumë dhe ka çfarë i jep skuadrës për ta çuar më tej dhe për t’i thënë që ‘nuk është këtu stacioni i fundit dhe nuk duhet të kënaqemi vetëm me 2016’, por duhet të jemi pretendent real për çdolloj kompeticioni. Me këtë moto ka punuar dhe këto janë objektivat e tij dhe të stafit.