Ministrja e Shtetit për Marrëdhëniet me Parlamentin Elisa Spiropali ka marrë fjalën gjatë seancës parlamentare, ku ka folur për të prekurit nga tërmeti i madh i 21 Shtatorit.
Spiropali ka treguar ndihmat që kanë dhënë ndaj familjeve të prekura, duke përmenduar disa nga familjet që ka vizituar personalisht.
Ndër të tjera ministrja teksa ka parë varfërinë nga afër i ka bërë thirrje qeverisë ta luftojë atë.
‘Kjo foltore më bën ta përdorë këtë vend për të gjithë ata qyttetarë që u gjendën të prekur nga tërmeti i 21 shtatorit. Mbi të gjitha dua të përmend ata që më shumë i japin këtij vendi se sa i marrin mjekët infermierët e policët. Shtabi i emergjencës mori masa për banorët e prekur duke hapur çcadra në njësitë Vaqarr, Selitë, Ndroq dhe grupet e ngritura morën përsipër dëmet.
Dua në fakt të flasë për rastet që kam vizituar vetë, ku dielli nuk mbulohet me shosh. Dua të përmend Lulzimin jo kryeopozitarin po kryefamiljarin që fliste me krenari për vajzën e tij ekselente edhe pse të prekur nga tërmeti. Dua të flas për familjen në Ndroq që edhe pse të verbër ja dolën. Ne duhet të kthejmë sytë nga varfëria ekstreme, i bëj thirrje qeverisë’, tha Spiropali.
