Policia ka zhvilluar një operacion anti-drogë në Gjirokastër. Burime nga blutë bëjnë me dije se në terren janë angazhuar 95 policë, si dhe po vijojnë kontrollet me dronë nga ajri.
Pas disa orëve kontroll në zonën e Këlcyrës, konstatuan një parcelë me kanabis, ndërsa kanë vënë në pranga G. E., 59 vjeç, pasi në fshatin Mërtinjë.
Gjithashtu, gjatë kontrollit në banesën e këtij shtetasi u gjetën dhe u sekuestruan dhe 330 fishekë luftarakë të kalibrit 7.62 mm.
Njoftimi i policisë:
Vijon kontrolli masiv i territorit për parandalimin e kultivimit të bimëve narkotike.
Strukturat e Policisë po përdorin dronët për monitorimin e zonave të thella e pyjore.
Gjatë kontrollit të territorit janë angazhuar 95 punonjës policie dhe tre dronë.
Nga kontrollet me dronë nuk janë evidentuar raste të tentativës për kultivim të kanabisit.
Kontrollet janë alternuar nga ajri dhe toka.
Shërbimet policore që kontrolluan me këmbë, për disa orë, zonën e Këlcyrës, konstatuan një rast të tentativës për kultivim të kanabisit dhe vunë në pranga shtetasin G. E., 59 vjeç, pasi në fshatin Mërtinjë, Këlcyrë, në pronën e këtij shtetasi u gjetën të kultivuar disa fidanë narkotikë.
Gjithashtu, gjatë kontrollit në banesën e këtij shtetasi u gjetën dhe u sekuestruan dhe 330 fishekë luftarakë të kalibrit 7.62 mm.
Kontrolli i territorit do të vijojë pa ndërprerë, duke kontrolluar dhe në zonat më të largëta, falë përdorimit të flotës së dronëve dhe helikopterëve
