Nëse do të bëje një tatuazh në studion e Armando Beharit me shumë siguri do të të ofronte një dozë qetësuesi por që më shumë mundësi do të ishte një sasi e konsiderueshme lënde narkotike.
Kështu u zbuluan nga Policia e Shtetit dy persona të cilët u vendosën në pranga, ndërsa një tjetër u shpall në kërkim.
Operacioni i koduar si “Tattoo” u finalizua me sukses këtë mëngjes në zonën e kryeqytetit të njohur si “Ali Demi”.
Redaksia e ALPENews.al ishte raportuese e këtij lajmi – Lajmi i Operacionit “Tattoo” (1)
Pas verifikimit rezulton se Armando Behari, një prej të arrestuarëve i moshës 24 vjeç figuron të jetë ky person.
NJOFTIMI I POLICISË
Specialistët për Hetimin e Krimeve në Komisariatin e Policisë Nr.1 në bashkëpunim me Seksionin për Hetimin e Narkotikëve, në kuadër të operacionit policor të koduar “Tattoo”, arrestuan në flagrancë shtetasit:
– Armando Behari, 24 vjeç, banues në Tiranë
– Xhevit Bogdani, 21 vjeç, banues në Përrenjas
Si dhe u procedua në gjëndje të lirë shtetasi :
– O. Gj., 29 vjeç, banues në Tiranë
Për shtetasit e lartpërmendur disponohej informacion se në bashkëpunim me njëri-tjetrin shpërndanin lëndë narkotike në zonën e “Ali Demit” dhe “Martenitetit të Ri” dhe gjatë kontrollit të ushtruar nga shërbimet e Policisë në studion e tatuazheve në pronësi të shtetasit Armando Behari, ku i pranishëm në studio ndodhej edhe shtetasi Xhevit Bogdani, u gjet një çantë me lëndë të dyshuar narkotike e llojit Cannabis Sativa, si dhe një sasi fishekësh të kalibrit të ndryshëm.
Gjithashtu gjatë kontrollit të ushtruar në banesën e shtetasit Xhevit Bogdani, i cili jetonte me shtetasin O. Gj., është gjetur një sasi tjetër lënde e dyshuar narkotike, si dhe një dorezë metalike në kushtet e armës së ftohtë e cila i përkiste shtetasit O. Gj.
U sekuestruan në cilësinë e provës materiale :
– 1 kg e 111 gramë lëndë e dyshuar narkotike e llojit Cannabis Sativa
– 66 fishekë të kalibrit të ndryshëm
– 2 aparate celularë
– 1 dorezë metalike
/ALPENews.al
