Policia e Shkodrës ka sekuestruar 200 kg kanabis si dhe dy armë zjarri pistoletë, gjatë një operacioni të zhvilluar këtë të shtunë. Gjashtë persona janë vënë në pranga nga ky operacion. Të arrestuarve u janë sekuestruar edhe disa aparate telefonësh celularë, radio marrëse, automjete të përdorur nga autorët në veprime etj.
Nderkaq, për efekt të veprimeve hetimore disa persona të tjerë janë shpallur në kërkim. Fillimisht ka qenë një procedim i regjistruar mbi bazën e infomacionit të dhënë nga Drejtoria e Policisë së Qarkut Shkodër se Ramadan Mustaf Dushaj, i datëlindjes 03.10.1957 lindur dhe banues në fshatin Dobre të Malësisë së Madhe, organizonte veprimtari për financimin dhe transportin e lëndëve narkotike (marijuanë) në Qarkun e Shkodrës.
Në prangat e policisë kanë rënë edhe pesë persona të tjerë si Ardit Sali Haxhagici, i datëlindjes 15.03.1984 Shkodër, Bardh Simon Gostini, i datëlindjes 01.04.1981 Lezhë, Neritan Sulejman Saraçi, i datëlindjes 24.12.1967, Shkodër, Rezart Xhelal Çarçani, i datëlindjes 24.04.1984, Shkodër, Ramadan Mustafa Dushaj i datëlindjes 03.10.1957, Malësi e Madhe si dhe Vilson Gjergj Ndoka, i datëlindjes 26.11.1991, Lezhë.