Në seancën e ditë së sotme, Kuvendi i hapi dritën jeshile projektligjit për ndërtimin e aeroportit të ri të Vlorës.
I ftuar në News24, deputeti i PS për qarkun e Vlorës, Edmond Leka tha se ndërtimi i këtij aeroporti do të ndikojë në rritjen e hapësirës ajrore dhe do të ketë ndikim për zhvillimin e biznesit dhe turizmit.
“Situata ishte e tensionuar dhe nuk patëm mundësi për të folur për ketë projekt, siç është aeroporti i Vlorës. Shërbimi i transportit ajror vitet e fundit ka marrë masa shumë të mëdha. Opozita bllokon seancën çdo të enjte. Ndërtimi i aeroportit të Vlorës i jep mundësi edhe ndërtimit të aeroporteve të tjera në vend. Ndërtimi i aeroportit të Vlorës do ndikojë në rritjen e hapësirës ajrore”- tha deputeti i PS.
Edmond Leka tha se aeroporti i ri i Vlorës do jetë një nga më të mëdhenjtë në rajon dhe nuk do i shërbejë vetëm Vlorës, por edhe si pikë tranziti.
“Nuk ka shqetësim për koston e aeroportit, pasi kompania ka kryer një fizibilet. Ky aeroport do ndërtohet nga 3 kompani turke dhe do kushtojë rreth 100 milionë euro. Kompania ka parashikuar që gjatë vitit të parë do fluturojnë rreth 600 mijë pasagjerë me një rritje prej 10% çdo vit. Ndërtimi i një aeroporti të tillë do ndikojë edhe në zhvillimin e biznesit dhe turizmit. Aeroporti i Vlorës do jetë një nga aeroportet më të mëdhenj të rajonit dhe nuk do i shërbejë vetëm Vlorës, por do shërbejë edhe si aeroport tranzit. Kompania këtë ka premtuar, pra ulje të kostove të fluturimeve”- tha Edmond Leka.
/balkanweb
