Edhe sot, studentët e Fakultetit të Drejtësisë kanë zhvilluar mësim në ambientet e gjimnazit “Petro Nini Luarasi”, ndërkohë që një grup i vogël vijojnë të bllokojnë ambientet e brendshme të fakultetit. Ndonëse sipas ligjit, ai është i vetmi që mund ta autorizojë ndërhyrjen e policisë për ta zhbllokuar godinën, Rektori i Universitetit të Tiranës nuk po vepron.
Nesër pritet të mblidhet edhe Senati i Universitetit të Tiranës, por nuk dihet se çfarë do të vendoset lidhur me situatën në të cilën ndodhen studentët e Fakultetit të Drejtësisë.
