Sezoni Parlamentar ka më shumë se një muaj që ka nisur, dhe situata është shumë e ashpër. Përplasjet në distancë, akuza, ngjarje e kërcënime po na shoqërojnë dita ditës.
E ndërsa një “luftë” tjetër në distancë, pritet të nisë brenda pak kohësh. Bëhet fjalë për luftën në garën për kryebashkiak. Më pak se një vit nda ndan nga zgjedhjet lokale, dhe vetëm disa muaj nga shpallja e kandidaturave.
Siç ka ndodhur rëndomtë në gjithë këta vite, të gjithë kryebashkiakët, por jo vetëm, “hidhen në sulm” për të “bërë” diçka të nevojshme dhe “të mirë” për banorët e bashkisë që drejtojnë. E kjo gjë çuditërisht ndodh në prag fushate.
Një gjë të tillë e shohim dhe në bashkinë e Përmetit. Kjo bashki ka zhvilluar tenderin për shtrimin e disa rrugëve në 9 fshatra. Tenderi i cili u hap në datë 11.10.2018 dhe u mbyll një ditë më vonë, pra në datën 12.10.2018.
Pra mesa duket, kjo bashki “nuk paska pasur kohë”, siç ka ndodhur historikisht në vend, gjatë 3 viteve të mëparshme për të kryer tenderin e shtruar këto rruge. Gjithsesi ajo çfarë duhet të shpresojmë, është se të paktën mos të jetë thjesht një “asfalt elektoral” për këta banorë, por një investim i duhur dhe i saktë për to.
Dokumenti i plotë: