Ish-presidenti amerikan Donald Trump ka shprehur të mërkurën skepticizëm rreth dozave përforcuese të vaksinave të koronavirusit. Sipas tij, dozat e treta të vaksinës duken më shumë se një operacion për fitim parash.
“E dini çfarë, kjo më duket si një operacion fitimi parash për Pfizer, mirë, mendoni për paratë e përfshira. Kemi të bëjmë me dhjetëra miliarda dollarë ”, tha Trump për Fox Business.
“Nëse jeni biznesmen i pastër, do të thoni, e di çfarë, le t’iu japim një dozë tjetër, 10 miliardë dollarë para që vijnë , e gjithë kjo është çmenduri.”
Ish-presidenti, i cili u vaksinua për Covid-19 në janar shtoi më tej: “Kur dolën për herë të parë ato ishin të mira për jetën. Tani ata janë të mira vetëm për një vit ose dy.”
Trump tha se mund të shihte shenjat e dollarëve në sytë e “atij tipit që drejton Pfizer.”
“E dini, ai që njoftoi një ditë pas zgjedhjeve se kishte vaksinën gati. Por ne e dinim këtë, dhe unë e dija, dhe njerëzit e dinin.”
Pfizer paraqiti kërkesën e tij për autorizimin e përdorimit emergjent më 20 nëntor. CEO i Pfizer, Albert Bourla u pagua mbi 21 milion dollarë në vitin 2020. Ai fitoi 17.9 milionë dollarë nga puna e tij me gjigantin e medikamenteve në vitin 2019, një vit para pandemisë.
