sh-princi Andrew Mountbatten-Windsor është nën një hetim të gjerë nga autoritetet britanike, ndërsa policia po shqyrton edhe pretendime të mundshme me natyrë seksuale, të lidhura me dosjet e Jeffrey Epstein.
Nga raportimet e autoriteteve britanike rezulton se, hetimi është zgjeruar përtej dyshimeve fillestare dhe po konsideron disa linja të ndryshme verifikimi.
Mediat britanike raportojnë se detektivët e Policisë së Thames Valley kërkojnë të flasin me një grua që pretendon se ishte dërguar në një rezidencë të Andrew në Windsor në vitin 2010 për “qëllime seksuale”.
U shpall e ZHDUKUR në Nju Jork, ish-modelja italiane që denoncoi Jeffrey Epstein gjendet në…
Autoritetet përkatëse kanë bërë të ditur se janë në kontakt me përfaqësuesit ligjorë të saj dhe se çdo pretendim do të trajtohet me seriozitet, kujdes dhe respekt për privatësinë. Deri tani, nuk është bërë një kallëzim formal penal nga ana e gruas në fjalë.
Sipas policisë, hetimi lidhet fillimisht me dyshime për sjellje të pahijshme në funksion publik gjatë periudhës kur Andrew shërbente si i dërguar britanik për tregtinë ndërkombëtare, por fusha e hetimit përfshin edhe pretendime të mundshme për korrupsion, mashtrim, pengim të drejtësisë dhe sjellje seksuale të papërshtatshme. Autoritetet e kanë cilësuar çështjen si “komplekse” dhe kanë kërkuar nga çdo person që mund të ketë informacion të kontaktojë përmes kanaleve zyrtare.
Andrew Mountbatten-Windsor i ka mohuar vazhdimisht akuzat apo çdo shkelje të mundshme dhe deri më tani nuk është ngritur asnjë akuzë penale ndaj tij. Hetimet mbeten në vijim.
