Leonard Olli, kryetari i këshilltarëve demokratë në bashkinë e Tiranës, ka dhënë dorëheqjen nga detyra.
“Nuk është se është moment i caktuar, i drejtë apo i padrejtë. Cështja e drejtimit të grupit në bashki është një angazhim serioz, që të merr energji dhe kohë. Për arsyer të disa angazhimeve të mia që i kisha lënë pas dore, nuk mund të toleroja më, më duhet t’i kryeja.
I kërkova grupit dhe Bashës që të më mirëkuptonte. Grupi e pranoi kërkesën edhe sugjerimin për të më pasuar në detyrë Çollaku. Nuk ka asnjë gjë më shumë dhe asgjë më pak se arsyet profesionale” deklaroi ai.
Leonard Olli njihet si kundërshtar i kryetarit të PD, Lulzim Basha, ndërsa Kreshnik Çollaku që merr drejtimin e ri të Këshilltarëve të Djathtë në bashkinë e kryeqytetit si mbështetës i liderit të PD.
