Ministri i Brendshëm Fatmir Xhafaj, por merr pjesë në një takim të sigurisë publike, i cili po zhvillohet në Durrës, ku ka përsëritur edhe një herë deklaratat se nuk do ketë kriminel që do të jetë më i lirë.
Xhafaj nga Durrësi u shpreh se në këtë qytet po veprojnë tre grupe kriminale, por sipas tij do të goditen dhe do të vihen për para drejtësisë.
Po ashtu Xhafaj shtoi se jo vetëm që do të burgosen por do tu merren dhe të gjitha pasuritë e fituara nga aktiviteti kriminal.
Pjesë nga deklarata e ministrit Xhafaj:
Forca e ligjit i dedikohet luftës kundër grupeve të strukturuara kriminale. Është bërë skanimi i të gjitha grupeve kriminale, anëtarëve dhe drejtuesve të tyre, si dhe pasurisë që posedojnë këto grupe kriminale e krijuar nga aktiviteti kriminal. Do t’i vëmë këto para përgjegjësisë, një pjesë janë në proces hetimi, ndërsa janë arrestuar shumë persona si pjesë e këtyre grupeve. Ne do t’i godasim ato jo nga pikëpamja fizike, por nga pikëpamja e ligjit. Krahas ndëshkimit, jemi të fokusuar edhe te hetimi dhe goditja e aseteve kriminale të tyre, sepse jo vetëm që ata do të bëjnë burg, por edhe pasuria e tyre nuk do të jetë më pronë e tyre, por do të kthehet në shërbim të qytetarëve. Nuk e pranoj faktin që 2 apo 3 grupe kriminale, që kanë aktivitet të gjatë në vite, për 10-15 vjet këtu në Durrës, dhe janë me rrezikshmëri të lartë shoqërore, nuk janë karakteristika dalluese e këtij komuniteti
